Firefox

[quixole]

Nun son propiamente errores, pero aprovecho pa comentar delles cosuques que me lalmaron l'atencion de firefox. Perdonai sin escribo ensin acentos.
"emprentacion" y "hestorial" podien sustituyise poles formes asoleyaes nel diccionariu de l'Academia: "imprentacion" (o "impresion") y "historial"
Nun fai falta poner "ferramientes" en plural. "Ferramienta" tien un significau colectivu, un pocu como "fruta": Suena mas natural dicir "Tengo la ferramienta en taller" que "Tengo les ferramientes en taller"
Igual quedaba meyor poner los axetivos detras del nome: "ventana nueva" y non "nueva ventana"
Na barra "aida" podia cambiase "Reportar sitiu fraudulentu" por "Notificar sitiu fraudulentu" o "Dar avisu d'un sitiu fraudulentu"

Ya se que nel casu de los grupos cultos (por ex. carauter/caracter) y palabres como aida/ayuda voi a la escontra de la tradicion en softastur, pero paezme que siendo tan normativa una forma como otra, debia usase la mas espardida. Anque coincida col castellanu nun tien por que ser un castellanismu. Tratase de buscar tantu la naturalida como la correccion.

En cualquier casu repito l'agradecimientu que tolos falantes d'asturianu vos debemos pol llabor tan escelente que vais faciendo dende cuantaya .

[xandru]

Lo primero de too date les gracies pol to tiempu quixole.
Respeuto de cuestiones de preferencies nos términos "aida/ayuda"; "ferramienta/ferramientes"; etc. venimos emplegando dellos términos de mou históricu en Softastur, quiciás nun seyan los más amañosos pero son correutos y cambialos agora llevaríanos munchísimu tiempu, tiempu que preferimos emplegar en nueves tornes. No que cinca a la posición del axetivu "Ventana nueva / Nueva ventana" yá tamos trabayando nello porque ye un error que s'esparde per munches aplicaciones, arreyáu probablemente a gramática de la llingua orixe (inglés).
Munches gracies otra vuelta pol estrenu nesti foru qu'esperamos seya perimportante na nuesa xera.

[quixole]

Gracies pola rempuesta, Xandru. Espero nun pasar por un d'esos pelmazos que pasen el día poniendo taches al trabayu de los otros.

[xandru]

Por supuestu que non quixole, amás creo que ye perimportante que dende Softastur despliquemos cómo facemos les coses pero necesitamos saber qué piensa la xente que lo usa. Un saludu caldiu.

[malditoastur]

Bones, soi l'encargáu de traducciones en Firefox.

Dicite que voi facer casu de los tos apuntes.

1) Por que son lóxicos
2) Porque fallos tenemos, tuvimos, y tendrémoslos siempres. Si tas echándonos un gabitu en Launchpad, verás que de xemes en cuandu caemos en anglosaxonismos y castellanismos ensin danos cuenta. Fai falta el puntu de vista del de afuera, que ye a pescanciar eses coses porque nun ta viciáu. (O sí..)

Dalgunes coses van quedar correxíes. Otres nun van poder tar pa esta fornada. Toi trabayando coles traducciones nel sitiu oficial (hasta'l momentu, les tornes facíamosles en Launchpad, y namás valíen pa Ubuntu), colo que Firefox tará disponible en multiplataforma dende la páxina oficial pa tol mundu, como'l restu de les llingües.

Munches de les coses que nun van poder correxise, ye porque ya "entraron" na torna oficial, (Fízose una esportación de plantíes dende Launchpad a Mozillaproject). Agora tamos na versión 3.5 (que ye na que tú ves los fallos), y la versión na que nun van a entrar toes ye la 3.6. "Namoroka". Hai un 7% que entá nun tenemos traducíu, y ehí sí puedo correxir los fallos. Lo demás ya entró. Quiero dicir que tará pa la versión 3.7.

Saludos, y bienllegáu a Softastur.